Во периодот од 03-07.04.2023 година се продолжи со чистење (машински и рачно), на каналската мрежа за наводнување во општините Охрид, Дебарца и во Кичевскиот реон.
Општина Охрид, с.Косел
Во атарот на село Косел се вршеше рачно чистење на отворени канали за наводнување од нискостеблеста дрвенеста вегетација и наталожен материјал од земја,лисја и друг вид на ѓубре во м.в.Долни Косел и ’Рвеник, а во м.в. Капина машински се отвори затрупаниот канал и се отстранија огромните корења, кои го попречуваа нормалниот проток на вода.
Рачно чистење на отворен земјен канал во м.в. Долни Косел 

Машинско чистење во м.в. Капина 

Општина Дебарца
С.Мешеишта
Во атарот на село Мешеишта рачно исчистен каналот кај куќите, Мазенкоската бразда и прелазите со цевки и мостови, каде најпрво ќе бидат застапени градинарски култури. 

С.Велмеј
Рачно и со трактор исчистена вгетацијата од езерцето кај изворите Горни исток, од кај што се напојува цевководот, и каналот пред влезот во цевките. 

Општина Кичево
И во Кичевскиот реон се изведуваат активности на каналската мрежа за наводнување, односно чистење на зафатот на река Треска и решетките, поправка на дефекти и подготовка на цевководот за претстојната сезона за наводнување.